بالعراقي ...

موضوع: بالعراقي ... الأحد مارس 14, 2010 12:39 pm

بالعراقي ...

* شاعر مو مهم تعرفني كل الناس
شيفيد الشعر واخلاق ما عندي !!!

* امي كعبه ... والدليل هي كعبه ... شفت صورتهه بعبايه

* مثل طفله فرحتي اتخاف من الليل
يخزرهه الحزن ويگلهه وچ نامي!

* المافكر بهم الوطن هم الوطن ما يريده
والماكتب لجله شعر احسن اله يگص ايده !

* محتاج واحد يسمعني بس يسمعني بكل احساس
محتاج واحد يفهمني ما يشبه كل هاى الناس

* من مرني العطش وشفافك الماي
ما اشرب گلت خايف على اشفافك

واقبل لو متت بس ابقه عطشان
خايف لرتوي وگلبهه لوصافك

* اذا ناوي تحب وتكون ولهان لا تخفي خجل بيك المشاعر
واذا قصدك تحبني كون يفلان حبني انسان لا تحبني كشاعر

* بس باوع على وتبين الاعذار
ما محتاج منك كلمه تتعذر

من وجهك واعرفك بيك ما احتار
معقوله الغدر ما يعرف الخنجر

* بس نوع طبع الوفه
بس نوع طبع الچفه
هذه حسب قاعده
يعني ضميرك صفه
لو فاقد الذاكره لو ذاكر الفاقده

* من مرنه الشته وماعدنه قمصان
ندفه على اوراق الجرايد

وما ننشر بعد نحفظهه الاشعار
شفنه النار تاكل بالقصايد

* مسجون الصدگ يا ناس تدرون
وخذوا كل چذب طلقوا سراحه

للتعبان گالوا تبقه تعبان
والمرتاح يحتاج استراحه

* أذا باچر يجي يعني الامس راح
بس خوفي الامس نلگاه باچر

واذا كل يوم نحلم باچر يكون
يا خوفي صدگ ما نلگه باچر

* راجعت نفسي وشفت وياگ ما غلطان
بس چه احبك صدگ گلتلك اسف ... !؟

* شاعر عاش عمره حسرة العوز
وشاعر بالترف من عاش عمره

شوف انته الفرق مابين الاثنين
ياشاعر تحس من تقره شعره؟

* أخر زمان الوتر يتبره من زرياب
واخر زمان المطر ما يعرف السياب

* انه گلبي حمامه أنباگ منهه العش
تظل طول العمر مكسور خاطرهه

مثل كاتب قصيده وساهرالهه الليل
تِلگاهه الصبح مو اسمه شاعرهه

* مادام گلبي يحب ماعنده شوگي حدود
ومادام ينبض شعر يعني انه موجود ..

* أذا ماكو نقد معنى ألشعر ضاع
لأن نقدك ألي يعني أنه شاعر

واذا ماكواصدق عند الينقدون
اذاً اعدام نحكم عالمشاعر

* أعلن عن وطن مفقود منكم ياهو الشافه
دمعاته جرن نهرين لكن تضحك شفافه!!!

* دگ العوز بابي وبيهه جوعان
وبيتي من الاكل خالص رصيدة

ساعتهه حرت بس هسه شبعان
من جرني القلم رايد قصيدة