عراق النسر الجريح
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» سجلوا حضوركم بالصلاة على محمد وآل محمد
اكثر من 200 دارمي ...اهدااااء للمه العراقية Icon_minitimeالثلاثاء أبريل 05, 2011 3:29 pm من طرف 7abeby_ya_3raq

» السلام عليكم
اكثر من 200 دارمي ...اهدااااء للمه العراقية Icon_minitimeالخميس مارس 03, 2011 7:05 pm من طرف sunrise

» قصائد ضد الريح ( الجزء الاول )
اكثر من 200 دارمي ...اهدااااء للمه العراقية Icon_minitimeالثلاثاء مارس 01, 2011 12:41 pm من طرف abo al heill

» لعبه للخباثه هع هع هع هع
اكثر من 200 دارمي ...اهدااااء للمه العراقية Icon_minitimeالثلاثاء فبراير 22, 2011 8:14 pm من طرف sunrise

» السلام عليكم عضو جديد
اكثر من 200 دارمي ...اهدااااء للمه العراقية Icon_minitimeالثلاثاء فبراير 22, 2011 8:04 pm من طرف sunrise

» قصـــة فيــها عبـــرة
اكثر من 200 دارمي ...اهدااااء للمه العراقية Icon_minitimeالثلاثاء فبراير 22, 2011 8:00 pm من طرف sunrise

» صحح معلوماتك
اكثر من 200 دارمي ...اهدااااء للمه العراقية Icon_minitimeالثلاثاء فبراير 22, 2011 7:53 pm من طرف sunrise

» من 1 الى 5 واختار العضو اللي يمسح دمعتك
اكثر من 200 دارمي ...اهدااااء للمه العراقية Icon_minitimeالإثنين فبراير 21, 2011 2:02 pm من طرف abo al heill

» مصطلحـــات طبيـــة متــــرجمـــة
اكثر من 200 دارمي ...اهدااااء للمه العراقية Icon_minitimeالجمعة فبراير 18, 2011 11:24 pm من طرف sunrise

» وصفــة طبيعـيــــة لتخسيــــس الوزن 7 كيـلــــو بــدون ريجيــــم
اكثر من 200 دارمي ...اهدااااء للمه العراقية Icon_minitimeالجمعة فبراير 18, 2011 10:41 pm من طرف sunrise

» لعبه ... لو.... خلو البعدكم بمواقف محرجه
اكثر من 200 دارمي ...اهدااااء للمه العراقية Icon_minitimeالجمعة فبراير 18, 2011 12:15 pm من طرف abo al heill

» فلم امريكي يحذر من قيام دولة اسلامية بحلول عام2016
اكثر من 200 دارمي ...اهدااااء للمه العراقية Icon_minitimeالجمعة فبراير 18, 2011 12:07 pm من طرف زهرات بنفسج

» مقارنة بين ثورتين
اكثر من 200 دارمي ...اهدااااء للمه العراقية Icon_minitimeالجمعة فبراير 18, 2011 11:52 am من طرف زهرات بنفسج

» توم وجـــيري..!!
اكثر من 200 دارمي ...اهدااااء للمه العراقية Icon_minitimeالجمعة يوليو 30, 2010 10:56 am من طرف ملاك

» ينحني الورد رغم جمالة
اكثر من 200 دارمي ...اهدااااء للمه العراقية Icon_minitimeالثلاثاء يوليو 20, 2010 2:55 am من طرف ملاك

»  آوَرْآقُ آحتَفظَ بــِهآ...و آوَرَآقُ أخـرى مِزِقـَهآ~
اكثر من 200 دارمي ...اهدااااء للمه العراقية Icon_minitimeالثلاثاء يوليو 20, 2010 2:47 am من طرف ملاك

» هذا هو الوداع الحقيقي...
اكثر من 200 دارمي ...اهدااااء للمه العراقية Icon_minitimeالإثنين يوليو 19, 2010 1:51 pm من طرف ملاك

» ~ زَفَرَاتْ الرُّوحْ} ،،
اكثر من 200 دارمي ...اهدااااء للمه العراقية Icon_minitimeالإثنين يوليو 19, 2010 1:39 pm من طرف ملاك

» ترحيب الى احلى اعضاء
اكثر من 200 دارمي ...اهدااااء للمه العراقية Icon_minitimeالإثنين يوليو 19, 2010 1:27 pm من طرف ملاك

» فلسفــة الألــم
اكثر من 200 دارمي ...اهدااااء للمه العراقية Icon_minitimeالثلاثاء يونيو 22, 2010 4:03 pm من طرف زائر

أفضل 10 أعضاء في هذا المنتدى
Al Laylaka
اكثر من 200 دارمي ...اهدااااء للمه العراقية Vote_rcap1اكثر من 200 دارمي ...اهدااااء للمه العراقية Voting_barاكثر من 200 دارمي ...اهدااااء للمه العراقية Vote_lcap 
ملاك
اكثر من 200 دارمي ...اهدااااء للمه العراقية Vote_rcap1اكثر من 200 دارمي ...اهدااااء للمه العراقية Voting_barاكثر من 200 دارمي ...اهدااااء للمه العراقية Vote_lcap 
الخيال
اكثر من 200 دارمي ...اهدااااء للمه العراقية Vote_rcap1اكثر من 200 دارمي ...اهدااااء للمه العراقية Voting_barاكثر من 200 دارمي ...اهدااااء للمه العراقية Vote_lcap 
ساندرلا العراق
اكثر من 200 دارمي ...اهدااااء للمه العراقية Vote_rcap1اكثر من 200 دارمي ...اهدااااء للمه العراقية Voting_barاكثر من 200 دارمي ...اهدااااء للمه العراقية Vote_lcap 
sharara
اكثر من 200 دارمي ...اهدااااء للمه العراقية Vote_rcap1اكثر من 200 دارمي ...اهدااااء للمه العراقية Voting_barاكثر من 200 دارمي ...اهدااااء للمه العراقية Vote_lcap 
Allan
اكثر من 200 دارمي ...اهدااااء للمه العراقية Vote_rcap1اكثر من 200 دارمي ...اهدااااء للمه العراقية Voting_barاكثر من 200 دارمي ...اهدااااء للمه العراقية Vote_lcap 
NaWaR
اكثر من 200 دارمي ...اهدااااء للمه العراقية Vote_rcap1اكثر من 200 دارمي ...اهدااااء للمه العراقية Voting_barاكثر من 200 دارمي ...اهدااااء للمه العراقية Vote_lcap 
زهرات بنفسج
اكثر من 200 دارمي ...اهدااااء للمه العراقية Vote_rcap1اكثر من 200 دارمي ...اهدااااء للمه العراقية Voting_barاكثر من 200 دارمي ...اهدااااء للمه العراقية Vote_lcap 
abo ameer_13
اكثر من 200 دارمي ...اهدااااء للمه العراقية Vote_rcap1اكثر من 200 دارمي ...اهدااااء للمه العراقية Voting_barاكثر من 200 دارمي ...اهدااااء للمه العراقية Vote_lcap 
نسمه ضيم وقهر
اكثر من 200 دارمي ...اهدااااء للمه العراقية Vote_rcap1اكثر من 200 دارمي ...اهدااااء للمه العراقية Voting_barاكثر من 200 دارمي ...اهدااااء للمه العراقية Vote_lcap 
المتواجدون الآن ؟
ككل هناك 3 عُضو متصل حالياً :: 0 عضو مُسجل, 0 عُضو مُختفي و 3 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 625 بتاريخ الجمعة يوليو 30, 2021 8:18 pm
بحـث
 
 

نتائج البحث
 
Rechercher بحث متقدم

 

 اكثر من 200 دارمي ...اهدااااء للمه العراقية

اذهب الى الأسفل 
كاتب الموضوعرسالة
نسمه ضيم وقهر

نسمه ضيم وقهر


انثى العقرب عدد المساهمات : 167
تاريخ الميلاد : 03/11/1988
تاريخ التسجيل : 19/01/2010
العمر : 35
الموقع : العراق المقيد بل السلاسل ضالمه

اكثر من 200 دارمي ...اهدااااء للمه العراقية Empty
مُساهمةموضوع: اكثر من 200 دارمي ...اهدااااء للمه العراقية   اكثر من 200 دارمي ...اهدااااء للمه العراقية Icon_minitimeالأربعاء مارس 24, 2010 4:40 pm


دارمــــــــــــــيات
لاتگطع اترجاك
سمعني كلمة
والله الهوه بلياك
مايسوه اشمه
==============
لاتظن يوم انساك
يالمني بيه
ماي انته ومباريك
بثنين اديه
==============
سهران افكر بيك
ماشايف النوم
وتخيلت مرسوم
وجهك بالنجوم
==============
ينراد اخلي اعيون
بعيوني ذني
حته اگدر ابچي اعليك
من تمشي عني
==============
هدني التعب يفلان
والهم أكلني
من غيبتك لليوم
محد فگدني
==============
نمت آنه عالتبريد
حسبالي أغفه
نار المحب بحشاي
ماترضه تطفه
==============
أصفن واعد انجوم
وايدي اعله خدي
هم غربة هم افراگـ
هم ولفي ضدي
==============
للدوم اظل وياك
يالطيبك ايفوح
ولخوتك ماعوف
لو تطلع الروح
==============
غيرة وكرم واخلاص
كلهن صفاتك
واتعب شوصف بيك
يالطيبة ذاتك
==============
صدگني آنه اوياك
روح بوسط روح
گبلك أحس بالآه
لو إنته مجروح
==============
تدري شوكت أنساك
وبگلبي اتهون
من تسمع آنه اهناك
بالنجف مدفون
==============
حسبالك آنه انساك
يالتسوه كلشي
تسوه العدل والمات
والتوه يمشي
==============
عبوة وزرعني الشوگـ
صرت اعله دربك
واعذرني لو طگيت
فجرني حبك
==============
تدري شوكت أنساك
ياأغله الاحباب
لمن يجيني الموت
واتغطه بتراب
==============
لعيونك الحلوات
صدگني أشتاگـ
ماأصبر بلياك
واتحمل افراگـ
==============
كون الجمال البيك
أتمنه بيه
حته آنه من اشتاگـ
أصفن عليه
==============
غالي وعزيز اهواي
وفراگك اهموم
وعيوني لو تنساك
أعميها للدوم
==============
حاير شحط للعين
وامنعها منكم
صبح وعصر وغروب
تسألني عنكم
==============
عيون البشر حلوات
بس عينك احله
خظرة وتسلب اعقول
لو تحط كحله
==============
ظلمة وتريد الناس
توصل للبيوت
بس آنه اريد الگاك
هالساعة لو موت
==============
گالولي اجاك العيد
چا ليمته اتهيد
عيد اليمر بجفاك
ماينحسب عيد
==============
تدري آنه گبل العيد
عاشورك اوياي
حاسمها لو مو عيد
ماتضحك اشفاي
==============
يم بيتي بيتك كون
واشمرلك العين
تشبعها منك شوف
وتردها بعدين
==============
صايم على فرگاك
غيرك فلا اريد
أفطر أنه بملگاك
وك شوفتك عيد
==============
أتعارك اويه النوم
بلكي اغفه وانساك
تاليها صورة وصوت
إبحلمي الگاك
==============
باخر نفس مخنوگـ
واتمنه اشوفك
واعذرني بس الموت
يجبرني اعوفك
==============
نامت اگلوب الناس
بس گلبي گاعد
والضغط من فرگاك
كل ساعة صاعد
==============
للموت اضل وياك
ماابدل الراي
وافدي الجسد والروح
لليوفي وياي
==============
بالگلب ساكن دوم
مايمكن انساك
يهجرني حته النوم
من يمر ذكراك
==============
إرهابي ليش اصير
مو إنته حباب
فجرت گلبي اشبيك
سويته عطاب
==============
الخوة شحت حيل
صارت قليلة
لكن وحگ عيناك
خوتنه اصيلة
==============
ليل وشتى وبردان
ماتدري حگك
ماأدفى حته بنار
أدفه امن اشبگك
==============
أصفن واحاچي الروح
وين احنه چنه
هم ترجع الأيام
ويلتم شملنه
==============
ناذر نذر لو جيت
وتشوفك العين
أگعد أجدي اسبوع
اباب الحسين
==============
سيطرة بدرب اهواي
وهمية أنصب
حته امن اشوفه ايفوت
أخطفه وأهرب
==============
شريان الك بالروح
يمشي بغزارة
وحبك بگلبي دوم
ماتطفه ناره
==============
مل مني حته الليل
والگمر شاهد
بس بيك افكر دوم
للفجر گاعد
==============
مذنب أظل بهواك
كون انته قاضي
تحكمني بالإعدام
صدگني راضي
==============
اتريله الك بوسات
تحملها العيون
حضر خمس عمال
بس اليفرغون
==============
أخطب بنص الناس
والساحة تشهد
وافرض حضر تجوال
لو غثك احد
==============
صدگوني مامرتاح
يالروحي عدكم
لو أدري هيچ اشتاگـ
ماعاشرتكم
==============
الروح اذا تنساك
ميتة اعتبرها
وبيسرتي ويمناي
أحفر گبرها
==============
مسكنك روح الروح
ياشمعة العين
ومن كل خطر يحميك
مولاي الحسين
==============
للصحبة أهدي الروح
وعيوني الاثنين
والعمر فدوة ايروح
للصاحب الزين
==============
دايخ وافكر بيك
وعن بالي متروح
أمشي وردمني الباب
حسبالي مفتوح
==============
صابر على فرگاك
گلبي اليريدك
والصبر يالمحبوب
مفتاحه بيدك
==============
لاتسأل اعله الحال
خليها سكتة
تسأل على المكتول
والكاتل انته
==============
لو ممشة عشر اسنين
أمشيها واكثر
ماأتعب وماجوز
من حب الاسمر
==============
روحي بسرير الموت
تنشدني عنك
وتگلي ليش اهواك
متبري منك
==============
يالبلگلب مشتول
وبروحي مزروع
افراشك النبضات
وغطاك الظلوع
==============
ياجوري يانعناع
يانبع صافي
لاخر نفس بالروح
ليك ابقه وافي
==============
غير الوفه يهواي
ماعندي غاية
وآنه اعله عهدي اوياك
حد النهاية
==============
كون الفرح ينباع
واشريلك العيد
يالشوفتك عيدين
عيد احله من عيد
==============
أسأل أضل اعليك
حد گطع الانفاس
غالي وتضل بالروح
تاج انته عالراس
==============
تبقه انته تاج الراس
تبقه انته راقي
يالريحتك بغداد
واسمك عراقي
==============
كون الحبيب ايصير
بالحمزة دنگة
وبحجة الزوار
كل ساعة اشبگة
==============
صح البشر حلوين
بس الك ميزة
تدخل گلب تهريب
وبليه فيزة
==============
أتمنه هالطلاب
كلهم ينجحون
چيفن حبيب الروح
ويه اليدرسون
==============
گتلك تفضل فوت
كل قصدي للبيت
رأسا دفعت الباب
وبگلبي طبيت
==============
تمثال الك بالعين
شايلته الجفون
نافورة منه وبيه
دمعات العيون
==============
من غبتوا ولهاليوم
أحلامي بيكم
وصدگوا مثل هوار
أبچي عليكم
==============
ظلمة ودرب عاثور
والدنيه تمطر
لغيرك فلا تانيت
بس الك أنطر
==============
طيفك نبض بالعين
كل ليلة ضيفي
بعيونك الحلوات
هم يمر طيفي
==============
أهلا وسهلا بيك
صارت قديمة
أفرشلك العينين
والگلب خيمة
==============
اشما تگول الناس
عندي انته الاول
سو كلشي بالدلال
ياحلو مخول
==============
دم الگلب بجفاك
فاض من العيون
مو حب طبيعي اهواك
بيك آنه مجنون
==============
أنشد عليك الروح
مدري اشتگلي
مدري انته نص الروح
مدري انته كلي
==============
لاتظن يوم انساك
لو يوم اعوفك
صدگني ابيع الروح
بس كون اشوفك
==============
كون المحبة اصير
مثل السياسة
حته اليخون ابساع
ينگطع راسه
==============
كلمن يگول انساك
گله انته مجنون
هو الگمر ينشاف
من غير العيون
==============
كلمن ينام الليل
مايعرف ايحب
آنه بحلات النوم
وعيوني اتصب
==============
لو گلبي عافك يوم
سويته تكه
وللمكتب استدعاء
بالبطة اصكه
==============
يهتز يريد ايطيح
گلبي اعله فرگاك
لايرضه جرحي ايطيب
لايرضه ينساك
==============
دورت بالصفنات
وحده انته منهن
لمن صفنت النوب
صرت انته كلهن
==============
دورت كل الناس
ماكوا بحلاتك
والعسل كله ايروح
فدوة لصفاتك
==============
ريت الأصابع هاي
إيصيرن اشموع
مشعولة لجلك دوم
للأبد متموع
==============
حط حرس حط اسلاح
حط قوة يمك
لازم أجيك اليوم
أوصل واشمك
==============
الصحبة صحبة موت
لتظن اعوفك
ماتدري آنه اشلون
مشتاگـ اشوفك
==============
كون انگلب صمون
واسكن فرنكم
وكل ماتمسني النار
أصرخ أحبكم
==============
بالحلم شفتك طيف
چذبت العيون
نايم وافكر بيك
من اگعد اشلون
==============
كلمن يگول انساك
صدگني چذاب
حبك جرح بالروح
ينزف ولاطاب
==============
الدهر لو وازاك
خذلك معلمة
جيبك تترسه افلوس
وابنك تعلمه
==============
مفخخ صرت بهواك
صرت انتحاري
تفجيري بالريموت
بيدك قراري
==============
بدلالي اضمك حيل
وبوسط الضلوع
من عنده تاكل زين
لو مسك الجوع
==============
لاتظن حي وانساك
وانسه الليالي
جثه آنه بالتابوت
وانته اعله بالي
==============
أقره وافكر بيچ
وانسه امتحاني
وبيچ انتي مدري اشلون
الله ابتلاني
==============
گصصني ذبني بطين
واسحگ عليه
تصرخ تصيح اهواك
كل وصلة بية
==============
أتمنه عندي اجناح
وكل ساعة امر بيك
معذبتني هاي الروح
بس تسأل اعليك
==============
كون الدمع ينشال
وبعيني اخليك
وكل ماأحن واشتاگـ
أبچي وأحاچيك
==============
أخسر عليك الروح
ماضني خسران
للخوة كلشي ايهون
ياأغله إنسان
==============
كون آنه ابيعن غاز
بس للأحبه
وكل ماأمر اعليه
أترسله دبه
==============
لوغبت عن العين
أحسبها شدة
واحرگـ بدمع العين
وجه المخدة
==============
مشتاگـ الك مشتاگـ
وبگلبي حسرة
بيه كسر يهواي
وانته التجبرة
==============
بالليل افز فزات
وابچي اعله حالي
كله بسبب فرگاك
اشگد انته غالي
==============
من كثر مامشتاگـ
تيهت نفسي
أجرت الامريكان
حسبالي تكسي
==============
من كثر مامشتاگـ
واشتهي الجيه
أجرت الامريكان
حسبالي كية
==============
تدري شكثر تشتاگـ
لطيوفك العين
ابكثر ماتشتاگـ
زينب للحسين
==============
تبقه بوسط هالروح
تبقه انته ظلعي
ولو أحسب الغالين
إنته اغله ربعي
==============
مو من مرض ونيت
من كثر الفراگـ
صدگني گلبي اعليك
كل لحظة يشتاگـ
==============
والحجر واهل البيت
والكفل أخته
والله امن اعد اعزاز
أولهم انته
==============
رمش برمش شديت
مانامت العين
تسهر والك تشتاگـ
مطلوبة الك دين
==============
الولد لوفطموه
يبچيله يومين
بس انته من اتغيب
أبچيلك اسنين
==============
الدهر لو وازاك
طگلك اجگيره
شتگدر تسوي اليوم
شنهو التغيره
==============
الدهر لو وازاك
إزرع طماطة
وازرع بصفها اخيار
واشبع زلاطة
==============
كونك امرايه اصير
ومعلگينك
وكل ماأمر اعليك
عيني بعينك
==============
نوم المخدة ايلوگـ
للباله خالي
ومنين اجيب النوم
وانته اعله بالي
==============
بجاه الله والعباس
وبجاه الحسين
يحفضك رب الكون
من نظرة العين
==============
صح انته عني ابعيد
من تحسب امتار
لاچن وسط هالروح
مبنيه الك دار
==============
وحدك سكنت الروح
وحدك معشش
بگليبي دور زين
دور وفتش
==============
بالگلب بالشريان
بنص روحي اخليك
حزب الله يرضون
نصر الله اسميك
==============
ضلمة ودرب عاثور
وهم حظر تجوال
أوصل واجيك ازحوف
واشكيلك الحال
==============
إنته التضل بالروح
والباقي فلسين
حبك نبت بحشاي
أقسم بالحسين
==============
كون الگلب ينصاغ
محبس ودزه
يبقه إلك تذكار
لجل المعزة
==============
فخخت روحي اليوم
كل هذا لجلك
ولو مارضوا ينطوك
أنفجر بهلك
==============
كون انته هسه اهنا
كون انته يمي
كون انته بالشريان
توزعلي دمي
==============
متعجبه النسوان
براغب علامة
داخل حسن يسواه
ويسوه عمامة
==============
أهمس بإسمك دوم
فضحتني الاحلام
بطلت حته النوم
وبليلي مانام
==============
آسف يبعد الروح
تعذرني ريتك
عندي ظروف اهواي
بس مانسيتك
==============
الگلب ماينساك
بس هذا عيبه
صدگني من فرگاك
طلعتله شيبه
==============
هاك اخذ كلشي اتريد
شتريد اخذ هاك
هوه العمر فلسين
يسوه ابلياك
==============
أهلا وسهلا بيك
حيل الگلب صاح
لو ماتلزمه اضلوع
من فرگتك طاح
==============
وينك حبيب الروح
مشتاگـ اضمك
صح امشي بين الناس
بس روحي يمك
==============
إنته احله كل الناس
ياهو احله منك
حته الجمال اليوم
يسألني عنك
==============
صبح وعصر وغروب
وبهدوة الليل
وبكل دقيقة الروح
تشتاگلك حيل
==============
كون انگلب طلقات
وادخل بگلبك
واكتب على الشريان
دمرني حبك
==============
ظلمة وحظر تجوال
وامريكي بالباب
ولو تنگلب طلقات
أتعنه الاحباب
==============
ظلمة وحظر تجوال
واليطلع ايموت
بس اليحب اهواه
يتحده ويفوت
==============
ظلمة وحظر تجوال
والبطة تفتر
واليطلع ايصكوه
لو جده يحظر
==============
ظلمة وحظر تجوال
والشرطة تفتر
أوصل واجيك ازحوف
يالمعدنك در
==============
كون الگلب بي باب
تگدر تشوفه
ولو شفت غيرك بيه
حگك تعوفه
==============
ثاري البنات اهواي
مثل الچفافي
بيهن تخون ابساع
وبيهن توافي
==============
ثاري البنات اهواي
مثل الطماطة
بيهن تخيس ابساع
وبيهن زلاطة
==============
أگعد بتالي الليل
وادعي بصلاتي
ياربي بعد اهواي
شلي بحياتي
==============
من گلبي اخذ لحمات
خافنك اجوع
ولو مالگيت اشياش
شيش بالضلوع
==============
صح انته عني ابعيد
بس على بالي
واقرب إلي من الروح
حبك يغالي
==============
للموت اضل اوياك
مايوم املك
مابيه حيل افراگـ
من هسه اگلك
==============
تمرضت عشر امراض
واسهلهن السل
ولو بعد عشر امراض
منك فلا مل
==============
گلبي اللي چان بخير
وبخير نبضه
من فرگتك سكراب
بالسوگـ اعرضه
==============
بين الگلب والروح
إهنا أخليك
واكتب خطر ممنوع
محد يمر بيك
==============
ناسي ونسيت الناس
بس مانسيتك
ولوغبت عن العين
بالدم لگيتك
==============
روحي وعيوني اوياك
والگلب يمك
يمشن سوه بشريان
دمي اويه دمك
==============
لوتدري هاي العين
شمسويه بيه
كل نظرة بيها اليوم
شفت المنية
==============
من الصبر مليت
والصبر ملني
ماأگدر بلياك
يمك دخلني
==============
الگمر من وجناك
شع وتنور
وحته الورد والياس
منك تعطر
==============
مو مشكلة النفطات
ولا مشكلة الماي
مشكلتي ياهالناس
ماشايف اهواي
==============
أسأل عليك الناس
وين انته غايب
الگلب من فرگاك
شاف المصايب
==============
أتمنه اصيرن طيف
بالليل اجيكم
حته ابقه طول الليل
حارس عليكم
==============
كلما يمر الليل
والنجم يظهر
أذكرك واشتاگـ
واتمنه تحظر
==============
روحي اويه روحك دوم
شذرة اويه محبس
مصيوغه الك مخصوص
الچفك وبس
==============
بالجنة من طبيت
الحور اجني
صحت آنه اريد اهواي
شلي بهذني
==============
عطشان اظل عطشان
واروه اعله شوفك
بطرانه هاي الناس
يردوني اعوفك
==============
أهلا وسهلا بيك
واكثر بشوفك
ولتفكر آنه بيوم
أگدر أعوفك
==============
أهلا وسهلا بيك
واكثر بملگاك
والگعده تحله اهواي
من نگعد اوياك
==============
أهلا وسهلا بيك
واكثر بالوياك
والگلب گبل العين
فز وتلگاك
==============
روحي سفينة شوگـ
وانته هواها
ولو فكرت تنساك
تغرگـ عساها
==============
مرتبط گلبي اوياك
والنبض منك
هم تظن يوم انساك
واتخله عنك
==============
حسبالك آنه انساك
والكعبة غلطان
جوه الجلد موجود
يعني انته شريان
==============
إشتعل گلبي بنار
چي ماأشوفك
أنعل أبو الينساك
لابو اليعوفك
==============
كلما أريد انساك
تاخذني سكته
بالدنيه احب اثنين
بس الله وانته
==============
لاتظن مثل الناس
بس تبعد انساك
صح انته عني ابعيد
بس روحي وياك
==============
لاتظن واحد يوم
غيرك عشگته
ولو يوم احب اثنين
هم انته إنته
==============
لتصدگـ آنه انساك
دوم انته عالبال
هم شفت واحد عاش
لوگلبه ينشال
==============
تيزاب احط بالعين
واعدم نظرها
والروح اذا تنساك
أگطع خبرها
==============
لاتظن يوم انساك
يالروحي عندك
لو ما كفر بالدين
چاگمت اعبدك
==============
كل عقلك آنه انساك
يوم من الايام
مو عالجلد دگيت
إسمك عالعظام
==============
لو فكرت تنساك
وتعوفك الروح
چا صحت عزرايين
ياخذها وايروح
==============
لتصدگـ آنه انساك
وانسه الليالي
شما غبت يالمحبوب
تبقه انته غالي
==============
كلما أريد انساك
أرجع واحبك
مثل الزرع والماي
گلبي اويه گلبك
==============
أنسه الگلب لو راد
فد لحظة ينساك
شنهو الگلب والعين
كلهن فداياك
==============
كلمن يگول انساك
ينهجم بيته
يضحك عليك الگال
إسمك نسيته
==============
يسألني البطران
إعربلي كان
حسباله مثل العام
عقلي بمكانه
==============
حط روحك اعله الروح
خليني احس بيك
وحدي اويه ملچ الموت
لو باعك اشريك
==============
عيوني واشوفن بيك
يالتسوه العيون
لا والله ماأنساك
لو ينتهي الكون
==============
عاتبني لو حسيت
لحظة آنه ناسيك
يالتسري بالشريان
چاوين اخليك
==============
چتفت گلبي اچتاف
كل ضني ينساك
هزني وكسر ضلعين
خله ومشه اوياك
==============
اعنودي حد الموت
وانسى النسوني
بس انته خارج قوس
ساكن عيوني
==============
دمع المحب لوطاح
ماينحسب عيب
ومن كثر دمعي اعليك
رمشي انگلب شيب
==============
كون انگلب عصفور
واسكن شجركم
وكلما أصيحن ويص
يعني أحبكم
==============
مثل الجسد يهواي
صدگـ أحس بيك
وصدگني كلي ايموت
لو ماأحاچيك
==============
أتمنه آنه اوياك
بين الحضرتين
نشتم هوه العباس
ونزور الحسين
==============
كون الگلب بي باب
وينحطله كيلون
وبس انته تسكن بيه
ياضي العيون
==============
أهلا وسهلا بيك
يالجيتك كيف
وانته بغلات الماي
من يشح بالصيف
==============
لاخرزه لاكشاف
من الله احبكم
روح وگلب وعيون
ناذرهن الكم
==============
لو بالوفه والطيب
نمنح شهادات
چان انته ماجستير
بالطيبه والذات
==============
وردة اصبحت هالروح
تذبل بدونك
شنهو الحياة بغير
شوفت عيونك
==============
لو فد سباق ايصير
ياهو اجمل الناس
وانذب عليك اتراب
هم تاخذ الكاس
==============
بكل حلو لوله اتصير
بس شحچي عنك
صارت اللوله البيك
حته احله منك
==============
فرغته گلبي وصار
بس الك وحدك
يعني امن اعد اعزاز
بس انته اعدك
==============
مانگدر انصد ليك
نتكهرب انموت
تكتل حلاة البيك
خن غمض وفوت
==============
أشكثر عندي اعزاز
بعيوني ذني
وانته اعز من كل ذول
حته اعز مني
==============
راح اخبر السلطات
واهلي وعمامي
من عندي گلبي انباگـ
وانته الحرامي
==============
تدري الحلاة البيك
وصلت إلى حد
چن گمر تالي الليل
من تلبس اسود
==============
إسمك طبع بالروح
وبدمي يجري
غيرك فلا حبيت
بس الله يدري
==============
روحي قصيدة شوگـ
واكتبها بيدك
واشعل اسنيني اشموع
من يمر عيدك
==============
بالعيد اشوفك وين
يالشوفتك عيد
مشتاگه روحي اليوم
وتشوفك اتريد
==============
هاك العمر واختار
من عنده شتريد
بس كون اگضي اوياك
صبحية العيد
==============
العيد اجانه العيد
اشلون اهنيك
أهديلك آنه العين
لوبيها اخليك؟
==============
إنتي الذهب والماس
والجوهر انتي
والدنيه تصبح عيد
كل ماضحكتي
==============
بالسنه ثنين اعياد
أسمع يگولون
وكل ضحكة منك عيد
ياحلو العيون
==============
گالولي باچر عيد
إلمن تعايد
مادروا إنته العيد
وبگلبي گاعد
==============
الگلب گبل الناس
إتعنه دارك
ملهوف اجاك ايگول
عيدك امبارك
==============
فرحة وسعادة انطيك
بس گلي شتريد
ومني اخذ بوسات
من هسه للعيد
==============
عيدية الك بوسات
ما منها موجود
تطبع على الدلال
لامو عالخدود
==============
خلني بعذاب الشوگـ
مارايد العيد
چي لنك انته اليوم
عن عيني ابعيد
==============
لو اريد اعد اعزاز
لاترفع ايدك
هيه المعزة اتگوم
واتگول اريدك
==============
بعمري اشتري الطيبين
واطلب رضاهم
واتمنه روحي اصير
نجمة بسماهم
==============
رقة وترافة وطيب
شايلها گلبك
كلهن جمعهن بيك
سبحانه ربك
==============
لو ضايج ومخنوگـ
وتريد احاچيك
دگلي انته بس مسكول
وآنه اتصل بيك
==============
لك هذا يامجنون
ناقلك اخبار
عندي رصيد اهواي
ومطشرة طشار
==============
عيوني إلك دولار
وارموشي سنتات
ولو هم رصيد اتريد
آنه اشتري الكارت
==============
لامسج لامسكول
لاتذكرونه
يمكن شحن مابيه
لو نسيتونه
==============
مو صوچك انته الصوچـ
كله امن اديه
سويتلك مسكول
تفتح عليه
==============
كافي جفه يحباب
سمعوني حسكم
كلما تدگـ نغمات
حسبالي إنتم
==============
أرسل وادگـ مسكول
ميردلي اشبيه
صامت ومو هزاز
يمكن مسويه
==============
لمن تدگـ مسكول
يابويه شيصير
يرگص رگص ماصار
الگلب وايطير
==============
ياشمعة لاتطفين
ماعندي لالة
لازم لولف الروح
أكتب رسالة
==============
كلما أدگـ اعليك
مترد على طول
لو حجتك سنتات
سويلي مسكول
==============
وين الرسايل وين
مدز اليه
هنه خمس سنتات
تعزهن عليه
==============
من الله طاح اليوم
رقمك بإيدي
واعليك اخلص الروح
مو بس رصيدي
==============
تستاهل انته الروح
شنهو الرسالة
ولو خلصيت الكارت
دمي ابداله
==============
ظلن خمس سنتات
ماريد اعزهن
بيهن رسالة شوگـ
لهواي ادزهن
==============
ماأدري گلبي اشبيه
لمن اترمش
مثل الدليمي ايگوم
كل ساعة يرعش
==============
مارمش النقال
گلبي اللي رمش
يلهج بإسمك دوم
خجلني كلش
==============
فرمتت هاي الروح
من كل الاوهام
واول إسم حطيت
إسمك على الرام
==============
جيتك غفل يهواي
ناوشني بوسة
دزها برسالة بساع
لاسوي هوسه
==============
يمك تريد الروح
تسكن وترتاح
معذبني هالنقال
مايرسل ارواح
==============
لامسج لامسكول
چاشنهي فلمك
دزلي رسالة بساع
لاأمسح اسمك
==============
سرحان بالحسبات
مسكول اجاني
من شفته منك جاي
رأسا حياني
==============
كل ساعة اسو مسكول
ماترد يفلان
گلي شحن مابيه
لو مني زعلان
==============
خلص رصيدي اليوم
واسمك حمسحه
كل ماأسو مسكول
بيدك تفتحه
==============
ناذر نذر للناس
لمن اترمش
أگعد بنص السوگـ
وبراسي املش
==============
خاطر إليه اوياك
لو مالي خاطر
منك رسالة انريد
ماگلنه خابر
==============
الشحن عندي اهواي
والتغطية فول
بس من ادگـ اعليك
يطلعلي مشغول
==============
فايخ حبيب الروح
نايم على الريش
خايف على السنتات
گاضيها ترميش
==============
مخلص رصيدي چان
وهسه اشتريته
واول مسج دزيت
بسمك بديته
==============
غالي وعزيز اهواي
وافراگك ايهون
وهاي الخمس سنتات
فدوة لهالعيون
==============
من گلبي اسوي ارسال
وارسلك الروح
واگلب الدم سنتات
واتحدى الجروح
==============
أشحن واعبي الكارت
واصرفه بيومين
خلص الراتب بيك
وحگضيها بالدين
==============
مو خوفي عالسنتات
فدوة الك الفلوس
بس صاير النقال
مايرسل البوس
==============
لارنه لاترميش
لامنك اخبار
ردنه خمس سنتات
ماردنه دولار
==============
دگـ گلبي ست دگات
وانگلب هزاز
نقالي هم شيطان
يعرفهم اعزاز
==============
صح آنه گاطع بيك
صوت ورسايل
بس اشكثر بالروح
شوگـ الك شايل
==============
أنشد عليك الطير
وانشد هوه الهاب
صدگني ماأنساك
ياأغله الاحباب
==============
لاتظن حي وانساك
وبعيني رسمك
إسمي الثلاثي انساه
وماانسه إسمك
==============
لاتظن وانته بعيد
تنساك الگلوب
رسمك بنص العين
وبگلبي مكتوب
==============
ثاري الگلب بالشوف
أقوى من العيون
يعني التضيعه العين
بالگلب مدفون
==============
متوسد انته الروح
وبنصها غافي
كل البشر مغشوش
بس انته صافي
==============
حته الگمر بالليل
بعيوني شفته
صارت گباله وغاب
واتخيل انته
==============
وردة وعطرها ايفوح
واتمنه اشمها
كل البنات اضيع
من تمشي يمها
==============
أعتب عليك اهواي
ياضي الشموع
ليش المسج وياي
من فترة مگطوع
==============
گلبج وگلبي اثنين
واحد دربنه
هم وتعب واشواك
عذبنه حبنه
==============
أشلع اهدوب العين
وخيط جروحك
ونتبادل آنه اوياك
روحي اويه روحك
==============
گلب الوفي صندوگـ
وبيدك المفتاح
أمن اسرارك بيه
وبنومك ارتاح
==============
أحلم واسولف بيك
واحلف براسك
النجم لو مر بيك
دنگ وباسك
==============
أهديلك البوسات
كلهن فرد نوب
لو غاروا العذال
طبهم ألف طوب
==============
ردتك تجيني اليوم
وبعيني اشوفك
وشلون اصبر الروح
من گتلي اعوفك
==============
صح من انام الليل
واتغمض العيون
بس الگلب والروح
بيكم يفكرون
==============
انخاني شوف اشلون
راح انتخيلك
اتعكز اعله اضلوع
صدري وأجيلك
==============
گطعني ذبني بنار
واحرگني بيدك
ألتم وارد اردود
بس گول اريدك
==============
شدني بجذع من نار
وارميني چيلات
يدفنوني اجيك بليل
بالگبر مابات
==============
الگلب تالي الليل
فز فرد فزه
لو للحبيب اتروح
لو نحري احزه
==============
لا تعتقد ناسيك
دوم بخيالي
من دگت النقال
أعرف الغالي
==============
أعذرني نص الليل
لتضن زعجتك
تعرف بأني أهواك
وتعرف معزتك
==============
بالدمع غرگانات
ظلن يالعيون
الفارگـ الخلان
يتبسم اشلون
==============
هنيالك انته اتنام
ليلك بلا هموم
صدگني من فرگاك
من نومي محروم
==============
شوف شكثر ولهان
وتعبان بالي
بس إلك روحي اتهيد
والله يغالي
==============
هاك الگلب يفلان
أخذه برسالة
گعدني نص الليل
يشكيلي حاله
==============
لو تدري بيه شصار
من غبت عني
مثل اليهيم بليل
وبراسه جني
==============
إحنه بجسد روحين
والدم فرد دم
والگلب واحد صار
بالفرح والهم
==============
مرهم دواها الروح
وانته الها مرهم
ماأرهم بلياك
گلي انته ترهم
==============
نار الدمع بجفاك
عالوجنه طايح
من عندي راح الشوف
من گتلي رايح
==============
إسمك طبع بالعين
كل لحضة اشوفه
وحبك سلك بالروح
مو هينه اعوفه
==============
علمت روحي اعليك
وتريد اعوفك
مجدي أدگـ الباب
بس كون اشوفك
==============
نبته وغصن مكسور
وبشحت الماي
هذا آنه حالي اعليك
من تگطع اوياي
==============
يسألني ملك الموت
روحك شجاها
گتله حبيب الروح
گبلك خذاها
==============
موبيدي هاي الروح
سلمت أمرها
حاير شسوي اشلون
والحب دمرها
==============
عين الك روحي اصير
والدمعة دمي
وريت الهموم البيك
تنقلها يمي
==============
من علو سبع جبال
روحي أذبها
واكتب على التابوت
حبكم سببها
==============
صدگني ما ناسيك
وبدمي تجري
شنهي المعزة البيك
بس الله يدري
==============
صدگـ إلك حنيت
واليحن بلوه
مابيه حيل أنساك
چاهيه گوه
==============
من أرسل الكلمات
ماتشفى الجروح
كون من ادوس ارسال
أرسلك الروح
==============
گالولي روح بعيد
وانسه التريده
گلت البعد شيفيد
مو گلبي بيده
==============
ريت الگلب بستان
وانته الورد بيه
لو نشف منه الماي
بدموعي اسگيه
==============
ريت الگلب نقال
منك فلا جوز
الدم رصيد ايصير
بس الك محجوز
==============
هاك الگلب والعين
تبقالي بس عين
لو هم بعد تحتاج
أگسمها نصين
==============
شگد انته عني بعيد
بس روحي تهواك
أدفنها عدله الروح
لو مرة تنساك
==============
الخوه بس وياك
تنحسب خوه
من راسك لرجليك
تنگط مروه
==============
بالحلم چنك جيت
من ذاك الغياب
گبل ايدي شفت الروح
فتحتلك الباب
==============
هجرك سهم چتال
بالهم رمانه
وشوف آنه من فرگاك
ماچني آنه
==============
هم حلو هم سبورت
فوگاها كشخة
حگه الگمر لو راد
لصورتك نسخة
==============
تدري شعمل فرگاك
من رحت عني
جثه على التربان
محد دفني
==============
صاير مترسل ليش
ميهمك امري
هنه خمس سنتات
چنك متدري
==============
روحي امنهد فرگاك
ماتقبل تنام
أذكرها نامت يوم
قبل أول العام
==============
للدوم اسولف بيك
يارفعة الراس
الدنيه كلها بخير
لو مثلك الناس
==============
شگ عيني واشرب ماي
واترس چفوفك
بس وحده خلها ارجوك
بيها ارد اشوفك
==============
بالعتبة شفت دموع
من طول جفاك
ثاريها حته الباب
تبچي اعله فرگاك
==============
لو متت من الشوگـ
عن موتي مسؤول
متولعة بيك الروح
بس تستحي تگول
==============
فراش امد الروح
وايدي المخدة
وگلبي إلك يهواي
سبلت أشده
==============
لا تهجر اليهواك
حاسب ظميرك
صدگني يالمحبوب
ماعندي غيرك
==============
بالليل ادگـ اعليك
واگطع منامك
مو بيدي روحي اتريد
تسمع كلامك
==============
لاتظن راح انساك
ياأحله مخلوق
والينسه هيچ إنسان
ماعنده أي ذوق
==============
بسك حبيب الروح
كافي بواري
خلعت كل بغداد
مي ومجاري
==============
عود ابتعد وانساك
كل هذا ظنك
والله الگلب كالساع
يسألني عنك
==============
سبحانه من سواك
نص وجهك اعيون
زغير سبيت الناس
من تكبر اشلون
==============
من تصفن انته الروح
تاخذها وياك
شنهو انته ملك الموت
بارينه خلاك
==============
سود العيون اكبار
والشامه حلوه
شايل جمال الكون
باليني بلوه
==============
كل فرگه من اصير
أنساها وتهون
بس فرگتك تيزاب
ويطش بالعيون
==============
اشلون انام الليل
وانته اعله بالي
حته السمچ بالماي
يبچي اعله حالي
==============
تدري انته ساكن وين
ابنص العيون
من حگها هاي الناس
يگولولي مجنون
==============
حسبالك آنه انساك
من ما أخابر
ماأحتمل فرگاك
بس گوه صابر
==============
تسألني دوم الناس
عن أمنياتي
أتمنى بس وياچـ
تخلص حياتي
==============
عايش چذب بجفاك
وايامي بس نوح
صح الجسد موجود
بس يمك الروح
==============
أطلب وگولن صار
تامرني انته
عمري من اول يوم
باسمك رهنته
==============
عاشرت كل الكون
ماكو بغلاتك
وهذا الحنان البيك
أجمل صفاتك
==============
إسمك نقشته بنار
وبگلبي اخليه
حتى الحرگـ لوطاب
يبقه الأثر بيه
==============
كل من يگول أنساك
گله انته أعمه
وأستلمه دگـ كلات
وأكسرله خشمه
==============
إنته شمس بغداد
وانته گمرها
وانته أغلى كل الناس
واحله بشرها
==============
شنهو الجمال البيك
عمي انته بلوة
هم أدب هم اخلاق
هم ضحكة حلوة
==============
دايخ واسولف بيك
صبح ومسيه
إكسب ثواب اشبيك
واسأل عليه
==============
دارين الك بالروح
دار اعله من دار
وبالعين الك تصوير
وبالگلب تذكار
==============
اعيونك انته القوس
ورموشك اسهام
كلمن يصد ترميه
وتحكمه بعدام
==============
ياريت الچ هالروح
ياسمره فدوه
مثلچ أبد بالكون
ماشفت حلوه
==============
هذا الجمال امنين
شو عمي بلوه
هم خضر هم اخدود
هم شفه حلوه
==============
بعدك حبيب الروح
سودة الليالي
حته اليضدني گام
يبچي اعله حالي
==============
ليش آنه افكر بيك
ليش انته ناسي
مثل الشمع ضليت
ناري اعله راسي
==============
خابر ولو لحظات
واسأل عليه
شنهي العشر سنتات
يغلن عليه
==============
دم ينترس ويفيض
گلبي من الفراگـ
إرحم بحالي اشبيك
صدكني مشتاگـ
==============
هم حلو هم مزيون
وچماله راقي
وفوك الجمال البيك
أصلك عراقي
==============

تحياتي نسوووووووومه وردة وردة
الرجوع الى أعلى الصفحة اذهب الى الأسفل
 
اكثر من 200 دارمي ...اهدااااء للمه العراقية
الرجوع الى أعلى الصفحة 
صفحة 1 من اصل 1
 مواضيع مماثلة
-
» دارمي فراق وغزل
» اهداء الى اعضاء المنتدى الكرام الرجاء المشاركة بالدارميات والشعر الشعبي العراقي
» الأبـــراج العراقية
» اللهجة العراقية الحديثة
» الى العراقية تاج الراس مع التحية

صلاحيات هذا المنتدى:لاتستطيع الرد على المواضيع في هذا المنتدى
عراق النسر الجريح :: القسم الادبي :: ديوان الشعر الشعبي-
انتقل الى: