دزينة نصايح مهمة جدا‏

أولا:
ولا ممكن بأي شكل انك تعرف مين عملّك بلوك ع المسنجر مستحييل.. لأنو في اتفاقية ترخيص للمسنجر بتمنع هالشي.. و مهما وصلك ايميلات انو عريف مين عاملك بلوك, بكون هالشي كزب و دعاية وبس عشان تزور الموقع وتسجل فيه او ممكن عشان يلطشو الباسوورد تبعك

تانياً..
مستحيل يتهكر ايميلك الهوتميل, أو الياهوو لأنو المسؤولين عن هي الإيميلات شركات كتير كبيرة و قوية, و معادلات التشفير اللي عم تطلع, بدها سنين لحتى تقدر تفك كلمة سر وحدة، و اذا ما كان انت غلطان و فاتح رابط ما لازم تفتحو او مستقبل ملف تجسس.. مستحيل يعني يتهكر. الا بغلطة من حضرتك يا فهمان

تالتاً..
مستحيل شركة مايكروسوفت تلغي خدمة الهوتميل ولا تعملها بفلوس ولا ممكن تطلب انك ترسل عشرطعش رسالة عشان ما يغلقو حسابك , لأنو هي الخدمة معيشتها, فإياكن تصدقو انو ممكن يتسكر ايميلك الهوتميل، مايكروسوفت شركة منافسة لشركات كبيرة متل غووغل و ياهوو, و مستحيل تلغي خدمتها الأقوى و الاكثر منافسة بين الشركات. وحكاية انك ترسل الرسالة ليصير لون ايميلك اخضر واصر ومابعرف شو الالوان المذكورة بس عشان سيادتك يا فهمان ترسل لكل الايميلات الموجودة عندك واجي انا او غيري يلطش كم ايميل منهم ويضيفهم عنده

ًرابعا,
بالله يللي بسمعو من هون و رايح عم يقللي انو ايميلو الهوتميل اتهكر لأنو في واحد فطحل بالانترنت هكّرلو.. بأفا ايدي ع خلقتو.. لأنو مهما كان فطحل.. فهاد الشي مو مهم.. المشكلة فيك انت لانك حاطط كلمة سر هيي اسمك و يوم ميلادك فغيرهن هلأ و ما تحط كلمة سر من الواحد للتسعة يا فهمان, او تحط اسمك و بعدين كم رقم.. لأنو يللي بدو يقصد يحزر الكلمة, مستعد يجرب 200 خيار لحتى يلاقي الكلمة.. و عملتها أنا من قبل و جربت اكتر من 250 احتمال, ووصلت لكلمة سر احدى الشخصيات

ًخامسا..
لما تروح ع الكافيه نت, اتأكد انك عملت تسجيل خروج, و لا تسجل كوكيز ع جهازك, يعني بعد ما تخلص من مسنجرك, عميل تسجيل خروج و سكر المسنجر, أو اذا فاتح ايميلك او الفيسبوك أو اي شي.. اتاكد من تسجيل الخروج, لأنو مجرد تسكير الصفحة ما بيعني انك طلعت من الموقع, لأنو في ملفات بتنزل ع جهازك بتحفظلك دخولك لمدة معينة اسمها مدة الجلسة.

ًسادسا..
لا تصدق و تبعت الإيميل لعشر اشخاص بعدين تكبس اف ستة، لانو اف ستة , بتنقلك لشريط العنوان و بس, بكل المتصفحات.. و ما بتطالعلك اسم حبيبك ابدا.. هههههههه ولا غير اسم كمان

ًسابعا..
واللي ما عندو نية وما بيرسل الإيميل لكل اللي عندو فإذا ما بعتو شي مسج ما رح تموتو ولا رح ينشل ابن عمكن ولا رح تنهار البناية عليكن ... ورئيس الأرجنتين ما مات لأنو أهمل رسالة العدرا لأبنائها ..... ولا رح تطلع عن دينك اذا كان مكتوب باول الرسالة حلفتك بالله تبعتها للكل وما بعتتها حاج علاك مصدي ورسايل بلا طعمة

ًثامنا..
ما رح يصير معكن سرطان من الديودوران ..ولا رح يهر شعركن من الشامبو .. والكولا صحيح بتفتح البلاليع بس صالحة للاستخدام البشري ........ يعني الليمون بيهري البلاط بس ما بموتنا ..

ًتاسعا.. :
كوكا كولا بالمقلوب مو لا مكة لا محمد ..... ما حدا بدو يعمل بار على شكل الكعبة .... هاد مركز خدمة ماكنتوش

ًعاشرا.. :

لا في بنت بين الحياة و الموت إذا ما بعتت الأيميل لكل الكونتاكت اللي عندك و بهدلت حالك رح تموت هالصغيرة فوراً

ًادعشا.. :
الريد بول مو مصنوع من بول الثيران ... والجيل مو من دهن الخنزير ... كلها صالحة للشرب بس حضرتك اتأكد من تاريخ الانتاج ومدة الصلاحية

ًطنعشا .. :
ولا حدا يحلفني باللله و بكل الانبياء و الرسل نبعت الإيميل ما رح احلف لانو ما بشوفو للايميل كمان تضربو انتو و هل العادة هههههههه

هي دزينة كاملة بس عشان ما واحدكم يبعت كل الكونتاكطت اللي عنده ويجي بعدين يقول فلان كيف اتعرف على فلان وفلانة كيف وصل ايميلها لفلان ومن هالحكي اتفقنا يا حلوين ويا حلوات

» اذكار مهمة
» عبارات مهمة في حياتك