اهداء الى اعضاء المنتدى الكرام الرجاء المشاركة بالدارميات والشعر الشعبي العراقي

السلام عليكم
كالولي تتحنين بجفاج اليه
كالت مسحت العين وثر بديه



مر بينه شنهو يصير من تمر خايب
مسموم انا بفركاك مامش حبايب





اتونس على شفاك لو حركته
وانسى اشتريد تكول وانسى الكلته




كالولي بنت الناس دكتورة طلعت
عالجت كل الناس بس قلبي قطعت




من ابجي ابجي وياي يا روحي وانعي...ولو حزني ما بجاج من يمي اطلعي.



بعيوني دمعة ضيم لمن اهلهة....تنخسف حتى الكاع من كد ثكلهة.



اثنعش ساعه الليل ياحبي واثنين يسمر وحك عيناك مانامت العين



يلعشت بين الروح لاتضن ناسيك
بالكلب رجفه تصير من طاريك
ممكن رد على الدارمي



دوم أنت بشداة مبرد للضيوف
وصدرك مضيف أجواد لو مرو ضيوف



لاتنخة هذا وذاك انة ارد اوصيك....شو محترك بالماي جابيش اطفيك



كون انه اصير اعيون وابجي اعله خدك ... حتى انت تعرف زين ياهو اليودك

والخاتمه تكول

انت اول الحلوين متصدر الكل...حته المروره البيك هم حلوه تكتل




اتمنه لو رسام ورسملك اعيون...وسع البحر واحتار اصبغهه يالون



حسدوني ولهاليوم ماشيب الراس ... شيبي الطلع بلروح ماشافتة الناس



بلحلم جنك جيت من ذاك الغياب ... كبل ايدي شفت الروح فتحتلك الباب



اتمنه لو رسام كل نضره لوحه ... وبعينك انسه الروح من ينسه روحه






روحي او تريد اتروح جاشلي بيهة وينك يملك الموت تقبض عليهة



أهداء الى وطني الجريح العراق


يردونك الشمات غارگ بالهموم .
صدگني مرعوبين من صحوة اليوم